close
庄內大廟鬧熱以後的備用停車場
起先是變成綠色的草埔
無偌久菟絲仔拋滿草頂
黃昏時陣 一片金黃
實在有夠媠
文人詩士用 愛恨纒綿 來形容伊
植物學家用 外來寄生 來定位伊
我的觀點 伊只不過是求生存而已
條件無夠好的時陣
伊的種籽會當覕佇土底5-10年或者擱較久
條件有夠好的時陣
伊的種籽仝款也得生根發芽
上天生成缺欠葉綠素 無法度家己吸收曰光合成營養
佇咧5-10工內耗盡種籽營養以前就必須揣到宿主
哪無就是死路一條
寄生以後 如果發展相過快速
萬一宿主佇伊猶未開花結子以前就無命
伊就無機會好傳宗接代囉
寄生也有寄生的無奈
阮尪定定咧講 :
可惡的人總有伊可憐之處
可憐的人也必有伊可惡之時
全站熱搜
留言列表
